Un gran sorriso invadiu a miña na última clase que tivemos, non é común escoitar en Madrid uns poemas de Celso Emilio Ferreiro recitados en galego, e a sensación que me produciu foi dun gran sentimento de saudade e morriña.
Sen dúbida, gústame ter estes sentimentos, significan que por moito que me entusiasme coñecer e vivir en novos lugares sempre sentirei Galicia como a miña terra e seguirei sorrindo todas a veces que a recorde.
Quero compartir, ademais dun dos poemas de Celso Emilio Ferreiro lidos na clase, un dos poemas que máis me gustan; Negra Sombra de Rosalía de Castro.
Ti e máis eu.
(Non falemos dos bobos
que tódolo adeprenden nos libros.
Non falemos dos parvos
con cara de domingo;
nin dos sapientes memos,
nin dos túzaros listos,
nin do eterno mal gusto
dos probes novos ricos.)
Falemos de tí e de min
xa que vivimos.
Tí i eu nos ventos
e nos solsticios.
Tí i eu nos bosques
e nos ríos.
Tí i eu, historia
de corpos nidios.
Tí i eu, saudade
de albores íntimos.
Tí i eu sin tempo
polo tempo que imos.
Tí i eu cantando,
chorando e rindo.
(Celso Emilio Ferreiro)
Negra Sombra.
Cando penso que te fuches,
negra sombra que me asombras,
ó pé dos meus cabezales
tornas facéndome mofa.
negra sombra que me asombras,
ó pé dos meus cabezales
tornas facéndome mofa.
no mesmo sol te me amostras,
i eres a estrela que brila,
i eres o vento que zoa.
Si cantan, es ti que cantas,
si choran, es ti que choras,
i es o marmurio do río
i es a noite i es a aurora.
En todo estás e ti es todo,
pra min i en min mesma moras,
nin me abandonarás nunca,
sombra que sempre me asombras.
(Rosalía de Castro)
1 comentario:
He de reconocer que el gallego es muy lírico y queda precioso en unos versos. Pero, como buena castellana, me llegan más los poemas que hablan de mi tierra. :)
Publicar un comentario